Pythefnos yn ôl fe weles i'r arlunydd David Hockney yn sefyll yn ffenest y Royal College of Art yn Kensington. Rown i'n eistedd ar y bws a digwydd weld e wrth basio. Fe wedes i wrth ffrind i mi bo' fi wedi gweld DH, gan feddwl taw y dyn ei hun yn y cnawd oedd yno. Ond y diwrnod wedyn, dyna oedd e 'to - yn sefyll yn union yr un lle. A'r diwrnod wedyn, a'r diwrnod wedyn... Damia, model yw e. Realistig iawn, sy' wedi fy nhwyllo yn llwyr.